மற்றுமொரு எரிபொருள் நிறுவனம் இலங்கைக்குள்...

 

அவுஸ்திரேலியாவின் யுனைடெட் பெட்ரோலியம் நிறுவனம் இலங்கை சந்தைக்கு பெற்றோலிய பொருட்களை வழங்குவதற்கு இலங்கை அரசாங்கத்துடன் உடன்படிக்கை ஒன்றை மேற்கொண்டுள்ளதாக தெரிவிக்கப்பட்டுள்ளது.

 யுனைடெட் பெட்ரோலியம் லங்காவின் கூற்றுப்படி, அவுஸ்திரேலியாவின் யுனைடெட் பெட்ரோலியம் கடந்த வியாழக்கிழமை (பெப்ரவரி 22) இலங்கையின் மின்சக்தி மற்றும் எரிசக்தி அமைச்சுடன் தொடர்புடைய ஒப்பந்தத்தை மேற்கொண்டது.

 ஒப்பந்தம் கைச்சாத்திடப்பட்டதைத் தொடர்ந்து, யுனைடெட் பெட்ரோலியம் நிறுவனத்திற்கு தற்போதுள்ள 150 எரிபொருள் நிரப்பு நிலையங்கள் ஒதுக்கப்பட்டுள்ளதுடன், இலங்கையில் 50 புதிய எரிபொருள் நிலையங்களை நிர்மாணிப்பதற்கான உரிமையும் வழங்கப்பட்டுள்ளது.

பொருளாதார நெருக்கடியின் விளைவாக எண்ணெய் இறக்குமதிக்கு தடையாக இருந்த வெளிநாட்டு இருப்புக்கள், நாட்டின் எரிசக்தி நெருக்கடியைத் தீர்ப்பதற்காக இலங்கை தனது சில்லறை எரிபொருள் சந்தையை அதிக வெளிநாட்டு நிறுவனங்களுக்கு வழங்குகின்றமை குறிப்பிடத்தக்கது. (NW)