புத்தளம் மாவட்டத்தில் உள்ள எட்டு சதுப்புநிலச் சூழல் மண்டலங்களை (mangrove ecosystems) இந்த ஆண்டு புதிய, பாதுகாக்கப்பட்ட பகுதிகளாக அறிவிக்க சுற்றுச்சூழல் அமைச்சு தீர்மானித்துள்ளது.
இதற்கிணங்க, சர்வதேச சதுப்புநிலச் சூழல் மண்டலப் பாதுகாப்பு தினத்தை முன்னிட்டு, இப்பகுதிகளைப் பாதுகாக்கப்பட்டவையாக அறிவிக்கும் வர்த்தமானி அறிவித்தலில் ஜூலை 27 அன்று கையெழுத்திடத் திட்டமிடப்பட்டுள்ளது.
எதிர்கால சந்ததியினருக்காக இலங்கையின் வனச் சூழல் மண்டலங்களைப் பாதுகாப்பதை நோக்கமாகக் கொண்ட தேசியத் திட்டத்தின் ஒரு பகுதியாகவே இந்த முயற்சி மேற்கொள்ளப்படுவதாக அமைச்சு தெரிவித்துள்ளது. அரசாங்கத்தின் சுற்றுச்சூழல் கொள்கைக்கு இணங்க, சதுப்புநிலச் சூழல் மண்டலங்களின் பாதுகாப்பு மற்றும் பேணலைப் பலப்படுத்தும் வகையில் "சதுப்புநிலங்கள் செழிக்கட்டும்" (Let the Mangroves Flourish) என்ற புதிய திட்டமும் தொடங்கப்பட்டுள்ளது.
இத்திட்டத்தின் கீழ், இலங்கையெங்கிலும் தேர்ந்தெடுக்கப்பட்ட சதுப்புநிலச் சூழல் மண்டலங்கள், அவற்றின் நீண்டகாலப் பாதுகாப்பை உறுதிசெய்யும் வகையில் பாதுகாக்கப்பட்ட வனப்பகுதிகளாக அறிவிக்கப்படும்.
அடையாளம் காணப்பட்ட எட்டு சதுப்புநிலச் சூழல் மண்டலங்களும் பாதுகாக்கப்பட்ட பகுதிகளாக அறிவிக்கப்படும் நிகழ்வானது, ஜூலை 26 அன்று அனுசரிக்கப்படும் உலக சதுப்புநில தினத்துடன் இணைந்து நடைபெறும் என்றும் அமைச்சு மேலும் அறிவித்தது.
இத்திட்டத்தின் கீழ் மொத்தம் 162.72 ஹெக்டேர் பரப்பளவு கொண்ட பகுதிகள் புதிய பாதுகாக்கப்பட்ட பகுதிகளாக வர்த்தமானியில் அறிவிக்கப்படும் என்றும் அமைச்சு தெரிவித்தது. (DailyMirror)
No comments